doi ro da poi pu denpa .i la selpa'i ba'o xruti

Chorus:

.i ge lo mi jufra cu balmau lo me lo drata ku moi gi lo mi jufra cu larcu ja'e lo nu ge lo mi jufra cu melmau lo me lo drata ku moi gi lo mi jufra cu selzau vau kei ku vau vau

Verse 1:

.i mi pu pagre lo rictu'a pe lo tsurotro'u tricu ge'u .e ba bo lo concoicno xamsi sei lo barda ku ditcu fau lo nu no da mi sidju .i mi lo ckape pu midju .i ku'i mi zukte lo se nitcu .i mi to'e ri'a nai snada .i li'a dai go'i .i krinu fa lo nu mi pilno lo mi blolotlo'i .i .ei ko na tolmo'i lo du'u lo drata cu si'akro ca lo nu mi jbikla .i mi vlalinkei ca lo nu mi sipna .i je mi na rinpei ba lo nu mi do vimcu bo tadji tikpa .i mi li'a fincei soi crano .i gidva do tu'a lo du'u lo du'u mi crerai na ku kei ku jitfa .i cizra je ci'izra sei mi ji'a cusku si'a be ca lo nu mi viska lo nu do lo so'u mei poi lojbo cu ciska .i ku'i mi sanga je to'e mu'i nai cisma

Chorus:

.i ge lo mi jufra cu balmau lo me lo drata ku moi gi lo mi jufra cu larcu ja'e lo nu ge lo mi jufra cu melmau lo me lo drata ku moi gi lo mi jufra cu selzau vau kei ku vau vau

Verse 2:

.i ze'a lo nu lo drata ku jbodau zo'u mi se ba'i finti lo jbomau ku .i mi se frili fe tu'a lo jbobau .i ku'i do naljmi lo du'u lo jbobau cu mo kau .i ko vau .i uu nai ta do mrovau .i uo nau pu'o gau mi mi lo lojbo ku procau .i ki'u bo mi tronau gi'e kakne lo ka minde lo so rau mei ku lo ka ce'u do spogau .i no .au da zo'u da senpi tu'a mi .i do nau pu ke norsi'a bo dukse .i do xabju la jbogugde .i ba'e mi xabju lo jbojevysofkemsuzgugje'ake'eborkemfaipaltrusi'oke'ekemgubyseltru .i do lo du'u di'u ma kau selsmu cu na djuno .i do retsku lu xu pelxu li'u ki'u lo nu do selfi'u .i ie lo nu crebi'o cu barda nunli'u .i ku'i naltoi fa lo tolvri .e do mi'u

Chorus:

.i ge lo mi jufra cu balmau lo me lo drata ku moi gi lo mi jufra cu larcu ja'e lo nu ge lo mi jufra cu melmau lo me lo drata ku moi gi lo mi jufra cu selzau vau kei ku vau vau

Verse 3 Part 1:

.i ro lo mi nunzu'e cu ro roi se manci .i mi banli co'a lo cerni gi'e nalsti ca lo vanci .i mi ca lo nu tolcanci cu simlu lo ka palci .i ku'i je'u mi na palci .i lo jbovla mi nalci .i lo do prosa cu kalci .i lo remna mi salci .i lo remna do salci na'i .i lo ka jinga kei mi tcaci .i mi simsa lo tarci lo ka do ba no roi zvajbi .i ko na se spaji .i mi'e la selpa'i ku .i do lo mabla ku ckaji .i lo do fanmo cu lamji .i ku'i ba'e mi cu cimni jai ranji

Verse 3 Part 2:

.i xu do na'e djuno fe lo du'u mi na simsa su'o drata .i mi brarai be lo ro brama'a .i lo ni mi rafcre zo'u: ge do xamsi korbi klama bredi binxo zukte gi mi xaskoiklabrebi'ozu'e .i zo .u'e selsku ju'o do .i je mi ba'e zengau la'e di'u .i je ba bo fa'a lo me do moi ku mi sputu .u'u cu'i .i mi gu'u kulnu iu gi kusru prenu .i ie ke'u ba'e zengau la'e di'u pu'o .i se gu mu curnu cu muvdu tu pu ku mu tubnu gi tu sfubu nu vu ru'u gunro lo du be lo du .i mulno tu'o ka judu'u cunso .i mi virnu .i ju'o mi cusku zo .u'o .i zu'u nai mi fenki ia pu'o .i pu'u na pensi fe tu'a lo menli si tu'a lo menli ku lu'u .i lo mi ro da ku jbodu'e ja'e lo su'u lo me mi moi cu nu'o nai nonselsmu se .u lo zu'o gau mi lo munje ku spofu

.i ca'e spoja

Chorus:

.i ge lo mi jufra cu balmau lo me lo drata ku moi gi lo mi jufra cu larcu ja'e lo nu ge lo mi jufra cu melmau lo me lo drata ku moi gi lo mi jufra cu selzau vau kei ku vau vau